(* روح *** الحياه *)
نقش التجاعيد في وجه الحيـاه الكريـه
هيـج براكيـن شعـرٍ مابقابـه خمـود
ونبهت من ثاقب النظـره فـؤاد النبيـه
وبينت دور الشجر والعاصفه والصمـود
يأم الأبطال يالعـرض العفيـف النزيـه
يابنتهم يأختهـم ياعشقهـم فالوجـود
يانصف هالمجتمع ياروع من اروع مافيه
لو حاولوا غزوكن بالمغريـات اليهـود
تبقن روح الحياه ولـو يقولـون ليـه
نقول وش ميز البستان غيـر الـورود
حقوقكن عندنا اكبر من نوايـا السفيـه
وأسمى من اللي يسميه العـدو اللـدود
واللي علينـا لكـن نقـر فيـه ونعيـه
ماينكر حقوقكن غير الـردي والجحـود
من يحتوينا اكيـد إنـا نبـي نحتويـه
يامثبتات الوتـد لامـن رفعنـا العمـود
الموت حتى لو إنه مـا يجينـا نجيـه
علـى غطاريفكـن يامـوردات الخـدود
إليا انتخيتـن نبيـع العمـر مانشتريـه
وإليا اعتزينابكـن نـرد المنايـا ورود
وش حرك المعتصم جنده وجيشه عليـه
وش قال يوم اعتزى عبدالعزيز السعـود
والله من إسـمٍ تعززنـا بمـن يعتزيـه
لامنها ثـارت الهيجـا وقامـت تـزود
يعني مثل نوره ومريم وجـوزا ويليـه
بتلا وحسنا وشرعـا والمهـا والعنـود
وكم قمتن بدور مهما صـار ماننتسيـه
يامضمدات الجروح محطمـات القيـود
ويالضيغميه فعلتي فعـل مالـه شبيـه
قبل امس والشعب الألماني عليها شهود
ضربتي اروع مثل للبـار فـي والديـه
وجدتي بكبدك ومن غيرك بكبده يجـود
والجادل اللي تبي شوفي وفوزي تبيـه
وتتابع بصمت مابين الصخب والركـود
ماقول غير ابشري واللي تبينـه خذيـه
شاعرك ياملهمـه ماللطموحـه حـدود
دام القصيده فرس وإلجامها فـي يديـه
وخيالها الفارس اللي عن حماها يـذود
(وتكاتفوا معه عبدإلـه وربعـه بريـه
وزكوه علوى هل الردات ذخـر الفهـود
واصغر سعودي هنا واصغر كويتي هنيه
وله مع جميع القبايل والحمايل عهـود)
والله ليوصل هـواه وموقفـه يحتميـه
ووالله ليضرب على الكايد ويرقى سنـود
وإنه ليلغـي مارادونـا ويلغـي بيليـه
بروح التحدي وبالشهره وحب الصعـود
وإن بيض الله وجيه وسـودالله وجيـه
الله يبيـض وجيـه معربيـن الجـدود
ناسٍ تخاف الله بحـق النسـا وتتقيـه
وتطبق الشرع فإكرام الـودود الولـود
الشاعر : محمد عوض بن سرور ...
الأربعاء أغسطس 13, 2008 10:09 pm
