جابك الله من غياب ضيق صــدور الـمــبانـي ****** قبل لا الوحشة تزعزع بيتك الصلب و تــبيده
بيتك اللي من رحلت و كل جــدرانه تعانـي ****** ما تحمل ينتظر شهرين و عــيوونك بــعــيدة
الله العالم لو أنك جيت مــتأخر ثــــوانـي ****** ما تشوف ألا بقايا من حصاه و من حـــديـده
من عرفتك و أنت تايه من مواني لي مــواني ****** و تارك قـلبي مولع من وقــيدة في وقــيــدة
ضــاعت ســنيني أحد بـهالليالي و تـحدآنـي ****** و أنت ما تشبع غيآب و لا تخاف من النــقيدة
ودي أتحمد لك الله بالسلآمة .... ما مــدآني ****** كل ما توصل برحلة .. ترجع برحـلة جــديدة
دام تـدري كل وجــه غــير وجه الله فــانـي ****** يا اخي أكسب لك ثواب و خاف ربك في عــبيده
كان فيني عيب قل لي فــيني العـيب الـفلانـي ****** كان هـرجي مزعـلك في شي قـل لي لا تــعــيده
عيب تصغر في عيوني و أنت برقاب الــغواني ****** كيف تستسهل طعوني و أنت خابرني وليــدة؟!
لــعنبوك إن مت بيدك . من يفك من أخواني ****** لا حزنوا ربعي على فرقاي شاللي تــستفيده؟
أنت منت اللي عشقته أنت أكيد انسان ثاني ****** ليه صرت بهالبرود و هالاحاسيس البــليدة ؟!!
وين حبك للــزعل ؟ و ين العناد الأولآنـي؟ ****** وين حنية زمان و فرحة العمـر الرغــيدة؟!
وين ذاك اللي ليااقبل ما يبات الا باماني ****** وين ذاك اللي ليا اقفى ما يروح الا فقيده؟
واحد من جابه الله بس يــامر و يــعصــاني ****** الوحيد اللي أخافه غصب , و امشي معه سيده
ما بــغيت أطيح بـيده لين ما ربـي بــلاني ****** و الا انا لو هي بكيفي (ما بغيت اطيح بيده)!!
ذاك بس اللي ليامن جيته يلخبط كـــيانـي ****** ذاك من نظرة !! يـنشف دم قلبي في وريــــده
قبل أشوفه أجمع له أحلى القصايد و المعاني ****** و إن لقيته ما عرفت أقول له جملة مفيدة !!
ألـف مرة قبله أعد القــصيدة من لســاني ****** و لعنبوه إن جيت عنده قمت أخربط بالقصيدة !!
أمدحه و أنا أدري أنه لو تباطاني نساني! ****** أنطحه و أنا أعرفه مجنون و افـكاره عنيـدة
من يسوي بي سوآتك يالرهيف الأسمــراني ؟!! ****** من هو من الناس غيرك غلطته ترفع رصيده ؟!!
من يقص جناح طيرك و أنت أعز انسان جاني؟! ****** ليه أخاف رماح غيرك و أنت ضرباتك سديدة ؟!
إن تبعتك أتبعك من طيبـي و واسع بطـانـي ****** و الا أنا لا جيت أكيد انسان عز الله بكيده !
أقدر أنزع لك ثيابي و ألبس ثياب الأنـاني ****** وأقدر أطلع من عذابي وألعب بدورك و أجيده
و مستعد أكسب رهاني لو بغيت أكسب رهانـي ****** و أخدعك باحــساس كاذب و أتحدى من يصــيده
أبك أنا لي شفت خلي حـط غيري في مــكـــاني ****** و الله أني لا أتركه و أصد لا اعشق سيد سـيده
جيت ما ابيك تحقرني جيت ابيك تعز شـــاني ****** جيت ابي فزعة ضلوعك من مــشاعرك الـبليدة
خلني ( داخل حدودك ) و أجبر بخاطر زمــانـي ****** أكذب بباقي ( وعودك ) و أصدق بلحظة سعيدة
إنتشلني من برودك لو تــولع بالـمحـــاني ****** عطني احــساس بوجودك و أخذ كل اللي تـريده
تكفى و اليا قلت تكفى بيع خلق الله عشانـي ****** لا تضـــيع من يديني فرصة العمـــر الوحيدة
يعلم الله شفت منك و من غيابك ما كــفانـي ****** كان ما تـقدر تـخـفف هـم قـلبي لا تـزيــده
شف غيابك وش مسوي بالصدور و بالـمـبـاني ****** و أنت تدري كيف كانت صدمة غــيابك شـديدة
و الله أنك لو وصلت البيت متأخر ثـــوواني ****** ما تشووف ألا بقــايا من حصاه و من حـديده
الجمعة أغسطس 08, 2008 8:03 am